ନ ଯାଆରେ କାହ୍ନା ଘେନ ମୋର ମନା
ନଯାଅ ନଯାଅ ବନେ
କିଏ ସେ ଏ ବୁଦ୍ଧି ଦେଲା ଗୁଣନିଧି
ଶୁଣିତ ନଥିଲି ଦିନେ
କିଏ ଶିଖାଇଲା ତୋତେରେ କାହ୍ନା
ନଯାଅ ତୁ ବନେ ଘେନମୋ ମନା ।୧ ।
କାନନରେ ଧନ ହିଂସ୍ର ଯନ୍ତୁମାନ
ରହିଛନ୍ତି ନାନା ଜାତି
ସ୍ୱଭାବେତ ତୁହି ବାଳୁତ ନନ୍ଦନ
ଦେଖିଲେ ପାଇବୁ ଭୀତି
ଅମାନିଆଁ ତୁହି ନୁହ କହ୍ନାଇଁ
ବଡ଼ହେଲେ ବନ ଦେଖିବୁ ତୁହି ।୨ ।
ଦଧି ଦୁଧସର ଅଧାମ ଶାକର
ଖାଇ ଖେଳେ ରାମ ସଂଗେ
ଗୋପାଳ ପୁଅଙ୍କ ତୁଲେ ଗଲେ ବନେ
କଂଟକ ଫୁଟିବ ଅଙ୍ଗେ
ଦୁଧସର ଖାଇ ଖେଳ ନବରେ
କଂଟାବଣେ ନଯା କହୁଛି ତୋରେ ।୩ ।
ଶୁଣିଲେ ପିଅର ହେବେ କ୍ରୋଧଭର
ମାରିବେ ଲଉଡ଼ି ବାଡ଼ି
ଛନ୍ଦିରେ ବନ୍ଦି ମୁଁ କରିବି କହ୍ନାଇଁ
ବନକୁ ନଦେବି ଛାଡ଼ି
ନନ୍ଦରାଣୀ ଛନ୍ଦ ଦଉଡ଼ି ନେଇ
ଭୟ ଦେଖାଇଲେ ବାଡ଼ି ଉଂଚାଇ ।୪ ।
ଶ୍ରୀ ଜଗନ୍ନାଥ ଚଉତିଶା
ଭଜନ
1 ଜ୍ଞାନର ପ୍ରଦୀପ ଜାଳିଦିଅ ପ୍ରଭୁ 2 ମନୁଆଁ ଭଜ ରାମ ରଘୁମଣି 3 ଯାଅ ଯାଅ ଦୂତି ଏ ମୋର ଭାରତୀ 4 ସେହି ଶ୍ୟାମ ଲାଗି ହେବି ବାସ ତ୍ୟାଗି 5 ରାଇ ବିନୋଦିନୀ ଧନି ହୋଇ କାମେ ବଶ 6 ଶୁଣ ହେ ଭକତଗଣ ନାମ ସଂକୀର୍ତନ 7 ଲଳିତା ଠାରୁ ସନ୍ଦେଶ ପାଇ ପ୍ରଭୁ ହୃଷୀକେଶ 8 ଦୂତିକା ମୁଖରୁ ଶ୍ରୀହରି ଆଗମ ଶୁଣି ଚପଳା କିଶୋରୀ 9 ଦେଖ ଦେଖ ସଖୀ ଦେଖ ଗୋ ନିରେଖି 10 କଷ କେତେ କଷୁଛ ମୋତେ
ଜୀବନୀ
ଜଣାଣ
ବନ୍ଦନା
ମୃଗୁଣୀ ଉପାଖ୍ୟାନ
ଗୀତ
