ବନ୍ଦଇ ଶ୍ରୀ ନାରାୟଣ ଦୀନ ତାରଣ କାରଣ
ଶରଣ ରକ୍ଷଣ ମହାବାହୁ
ଭବଭୟ ନିବାରଣ ଭକତ ହୃଦ ବନ୍ଦନ
ଭବାଧି ତାରଣ ବାନା ବହୁ ।୧ ।
ଶୁକ୍ଳ ବର୍ଣ୍ଣ ତନୁ ତେଜ ନିନ୍ଦେ କୋଟି ଦ୍ୱିଜରାଜ
ଶୁକ୍ଳାମ୍ବର କଟିତଟେ ସାଜେ
ଶୁକ୍ଳ ଉତରୀୟକନ୍ଧେ ଯଜ୍ଞୋପବିତ ଛନ୍ଦେ
ସନ ଯଜ୍ଞୋପବିତ ବିରାଜେ ।୨ ।
ଶୁକଳ ସୁମନ ମାଳ ଗଳେ ଦିଶଇ ସୁଢ଼ଳ
ତାରକା ପନ୍ତି ପରାଏ ଦିଶି
ଶୁକଳ ଗନ୍ଧ ଚନ୍ଦନ ସର୍ବାଙ୍ଗରେ ବିଲେପନ
କସ୍ତୁରୀ ଯେ ଚତୁଃସମ ମିଶି ।୩ ।
ଗୋଷ୍ପଦ ଲଙ୍ଗଳ ଆଦି ଅଷ୍ଟାଦଶ ଚିହ୍ନ ବିଧି
ଶ୍ରୀବତ୍ସଙ୍କ ତଥି ପରେ ସାର
କଣ୍ଠେ କଉସ୍ତୁଭ ମଣି ଶତସୂର୍ଯ୍ୟ ଜ୍ୟୋତି ଜିଣି
ବଇକୁଣ୍ଠେ ନଥାଇ ଅନ୍ଧାର ।୪ ।
ବାକ୍ୟ ଦାୟିନୀ ଭାର୍ଗବୀ ଯା’ଚରଣେ ଥାନ୍ତି ସେବି
ବୃନ୍ଦାର କେ ନପା’ନ୍ତି ଦର୍ଶନେ
ସେ ପଦ୍ମ ଚରଣ ହୃଦେସ୍ୱରୀ ବୁଦ୍ଧେ ଅପ୍ରମାଦେ
ହରିବୋଲ ଦିଅ ସଭାଜନେ ।୫ ।
ଶିରେ ଜଟାଜୁଟ ଶୋଭା ଦୁଦୁରା ଗଏଶ ଗଭା
ପତିତ ପାବନି ଯାର ଜଟାରୁ ସ୍ରବେ
ନାଗଯଜ୍ଞ ଉପବିତ ନାଗ କଙ୍କଣେ ମଣ୍ଡିତ
ପଣ୍ଡିତ ନାହିଁକେ ତିନିଲୋକର ଭବେ ।୬ ।
ଶ୍ରୀ ଜଗନ୍ନାଥ ଚଉତିଶା
ଭଜନ
1 ଜ୍ଞାନର ପ୍ରଦୀପ ଜାଳିଦିଅ ପ୍ରଭୁ 2 ମନୁଆଁ ଭଜ ରାମ ରଘୁମଣି 3 ଯାଅ ଯାଅ ଦୂତି ଏ ମୋର ଭାରତୀ 4 ସେହି ଶ୍ୟାମ ଲାଗି ହେବି ବାସ ତ୍ୟାଗି 5 ରାଇ ବିନୋଦିନୀ ଧନି ହୋଇ କାମେ ବଶ 6 ଶୁଣ ହେ ଭକତଗଣ ନାମ ସଂକୀର୍ତନ 7 ଲଳିତା ଠାରୁ ସନ୍ଦେଶ ପାଇ ପ୍ରଭୁ ହୃଷୀକେଶ 8 ଦୂତିକା ମୁଖରୁ ଶ୍ରୀହରି ଆଗମ ଶୁଣି ଚପଳା କିଶୋରୀ 9 ଦେଖ ଦେଖ ସଖୀ ଦେଖ ଗୋ ନିରେଖି 10 କଷ କେତେ କଷୁଛ ମୋତେ
ଜୀବନୀ
ଜଣାଣ
ବନ୍ଦନା
ମୃଗୁଣୀ ଉପାଖ୍ୟାନ
ଗୀତ
